Psa 23 | MPX | STEP | Yehoba iya o tomatahikan i ola sipi ali tomatahikan. Nige bugul etega na kakalaan,

Psalms 23

Same 23

1 Yehoba iya o tomatahikan i ola sipi ali tomatahikan. Nige bugul etega na kakalaan,
2 ^ayaa i pakenuwau mwawin waiwaisana pwatanaa.
I nulau ya na ya im wewel bakubakuhina elana, 3 yaka yawaliu i pavavaluna.
I nulau ya nanawaa kamwasa sasapona elal alana ana tobal kaiwena.
4 Bwagana na nanawaa oya gabulanaa ge ligumwina ni ola yaomal gogouina, nige nak etega na lolovakun-an,
kaiwena owa iyoho alou. Owa tomatahikan sipi wam suki ^{▼▼23:4Tomatahikan sipi wana suki labui. Etegana wana enawanawa, yaa buhuna ana huk (hook) i gan. Kakanun nu kite. Ebo sipi etega ni liligegi, inoke tomatahikan suki o eliyana sipi ni momol pasikal. Suki eluwana i tut ge tabam buhuna i bombom ge i bwata. Tomatahikan sipi suki o i patuwalaliek sipi ali topihigelgel elal. Kakanun nu kite.} ya kitel, inoke ateu i matuwa nu matahikagau.

5 Aanan iyaka u lovivina-an ge u yogaagau ya nem, inoke o topihigelgel hi kiteyau alou owa.
Enonu u holek kokowawa kaiwena u yoga paheyau, ge no kom u pakalaopop i na awanaa.
6 Tunahot yawaliu ana sauga miminana na minaa wam ginol waiwaisana ge wam nunuwana gamwanaa,
ge sauga gegewena na miminaa Yehoba wam limiya.